Ambasada gjigante e SHBA-ve në Kosovë, 5 vite punë dhe mbi 250 milionë euro kosto

70

Rreth 5 vite më parë në Kosovë filloi ndërtimi i Ambasadës më të madhe në Ballkan, e që është ajo e SHBA’së, që u përurua sot. Ndërtimi i objektit gjigant, kushtoi plot 250 milionë dollarë, ndërsa pritet që brenda saj të punojnë rreth 700 persona.

Amerika njihet si një prej shteteve më përkrahëse ndaj Kosovës, e këtë e kanë dëshmuar shumë herë. Një gjë të tillë e bënë edhe të enjten gjatë inaugurimit të saj.

Ambasada Amerikane në Prishtinë nuk është e zakonshme, e as e thjeshtë. Aty nuk do të jetë vetëm vendi ku do të merren vizat, pasi që kjo ndërtesë, do të ketë edhe një rezidencë për trupat e marinës amerikane.

E shtrirë në afro 5 hektarë, Ambasada ka një hapësirë prej 15.800 metra katrorë. Ndërsa presidentja e atëhershme, Atifete Jahjaga, njoftonte se ambasada do të punësojë rreth 700 persona.

Objektin e mahnitshëm të saj e kanë projektuar David Brody Bond Architects and Planners, të cilët ambasadori amerikan, Philip Kosnett, i falenderoi përzemrërsisht gjatë fjalimit të tij sot.

Inaugurimi i Ambasadës së re Amerikane wshtw bwrw gjatw ditws sw enjte. Në ceremoni përveç figurave të larta të vendit, si presidenti Thaçi e kryeministri Haradinaj, mori pjesë edhe miku i afërt i kosovarëve, kongresisti amerikan Eliot Engel.

Pas pavarësisë së Kosovës në vitin 2008, Shtetet e Bashkuara vendosën zyrtarisht marrëdhëniet diplomatike me Kosovën dhe Zyra u bë Ambasadë.

Që nga viti 1999, qeveria e SHBA-së ka investuar në Kosovë rreth 2 miliardë dollarë, dhe ka ndërtuar një objekt të ri të ambasadës me vlerë shumëmilionëshe në dollarë, që është më 4 korrik 2019, pikërisht në Ditën e Pavarësisë së SHBA-së.