Ekskluzive/BESA dhe Aleanca për Shqiptarët mbledhin 11.000 nënshkrime për Blerim Rekën

36

Para pak çastesh, kandidati shqiptar për president Prof. Blerim Reka ka dalur me komunikatë ku falenderon dy partitë opozitare Lëvizjen BESA dhe Aleancën për Shqiptarët për nënshkrimet e mbledhura. Ja postimi i plotë në Facebook:

Fillimisht, në emër të Z. Reka dhe ne emër të shtabit të Z. Reka, ju falemnderojmë për interesimin.

Ndërkaq, me kënaqësi ju njohtojmë se kandidati i pavarur shqiptar, Prof. Dr. Blerim Reka, tashmë edhe zyrtarisht është kandidat për zgjedhjet presidenciale në Maqedoninë e Veriut.

Duhet theksuar se në më pak se 15 orë, z.Reka e kanë mbështetur mijëra qytetarë, që konfirmuan përmes mbi 11000 nënshkrimeve, mbështetjen e fuqishme të kandidaturës së tij.

Falemnderojmë strukturat e partive politike, Aleanca për Shqiptarët dhe Lëvizja Besa për kontributin dhe mbështetjen e dhënë në procesin e mbledhjeve të nënshkrimeve.

Poashtu falemnderojmë të gjithë qytetarët për mbështetjen: guximin e gjejmë në përkushtimin tuaj!

Shkup, Mars 2019
Shtabi Qendror i Kandidat për President, BR.

Gjithashtu Lëvizja BESA ka dalur me komunikatë, në të cilën thuhet:

KOMUNIKATË

Pas një mobilizimi shumë të madh nga gjitha strukturat për mbledhjen e nënshkrimeve për kandidatin e vetëm shqiptar në zgjedhjet presidenciale, Prof.Dr.Blerim Reka, Lëvizja BESA falenderon të gjithë aktivistët por edhe qytetarët e tjerë që dhanë kontributin e tyre për kandidatin shqiptar.

Mbledhja e nënshkrimeve në një kohë rekorde, tregon se kandidati i përkrahur nga opozita shqiptare Lëvizja BESA dhe Aleanca për Shqiptarët është një zgjidhje e duhur dhe se shqiptarët me 21 prill do të kenë mundësi për të votuar njeriun e duhur për President të vendit.