Haradinaj: Marrëdhëniet mes Kosovës dhe Gjermanisë në nivelin më të lartë të mundshëm

20

Kryeministri Ramush Haradinaj pas takimit me ministrin gjerman të Shëndetësisë, Jens Spahn, tha se marrëdhëniet mes Kosovës dhe Gjermanisë janë në nivelin më të lartë të mundshëm.

Ai tha se me Spahn ka diskutuar për thellimin e bashkëpunimit në fushën e shëndetësisë për të rritur kapacitetet e Kosovës në ofrimin e shërbimeve mjekësore për në tregun gjerman dhe atë europian, njofton Klan Kosova.
Haradinaj tha se Parku Inovativ Gjerman në Prizren është mundësi e mirë për të bashkëpunuar në këto fusha.

Ja postimi i tij i plotë:

Gjermania vazhdon të jetë përkrahësi kryesor i Kosovës në zhvillim dhe integrime euro-atlantike.

Marrëdhëniet ndërmjet Kosovës dhe shtetit gjerman janë në nivelin më të lartë të mundshëm dhe ky bashkëpunim po intensifikohet përmes investimeve në sektorin e shëndetësisë dhe ngritjen e kapaciteteve profesionale përmes asistencës së ekspertëve gjermanë.

Kënaqësi ta prisja Ministrin e Shëndetësisë të Republikës Federale të Gjermanisë, Jens Spahn, me të cilin diskutuam për thellimin e bashkëpunimit bilateral në fushën e shëndetësisë, në certifikimin e mjekëve, infermierëve, ngritjen e shërbimeve mjekësore dhe përmirësimin në arsimin mjekësor duke rritur kapacitetet e Kosovës në ofrimin e shërbimeve mjekësore për në tregun gjerman dhe atë europian.

Për më shumë, Parku Inovativ Gjerman në Prizren është mundësi e mirë për të bashkëpunuar në këto fusha.