Kandidati për President në Shtetet e Bashkuara të Amerikës, Joe Biden, ka vizituar restorantin e shqiptarit Anton Dedvukaj që ndodhet në Detroit.
Joe Biden ka shërbyer si zëvendëspresident në administratën e Presidentit Barack Obama dhe tani është duke e zhvilluar fushatën për President, njofton Klan Kosova.
Ai njihet si një mik i madh i shqiptarëve i cili ka dhënë një kontribut të madh për çlirimin e Kosovës. Në këmbim të respektit, Kosova ka vendosur që autostradën Ferizaj-Gjilan ta emërojë Beau Biden (emri i djalit të Joe Biden i cili vdiq pas sëmundjes së kancerit). Beau Biden gjithashtu kishte shërbyer pas luftës në Kosovë.
Në gusht të vitit 2016, Biden ka mbajtur një fjalim në aeroportin e Prishtinës “Adem Jashari” ku iu ka kërkuar politikanëve kosovarë që ta votojnë demarkimin e kufirit me Malin e Zi.
