Maqedonia e Veriut në vendin e 56 sipas Indeksit për të drejtat e njeriut

14

Republika e Maqedonisë së Veriut është radhitur në vendin e 56-të sipas Indeksit të lirive të njeriut për vitin 2019 në Institutin amerikan “Kato”, me vlerësim prej 7,34 pikë.

Në krahasim me vitin e kaluar, vendi është radhitur në vendin e njëjtë të 526-të, por shënon rritje të indeksit për 0,07 pikë (nga 7,27 të vitit të kaluar në 7,34 të vitit të sivjetëm).

Pikët e indeksit janë përcaktuar sipas 76 indikatorëve të lidhur me liritë personale dhe ekonomike në shumë fusha, mes të cilave edhe qeverisja e së drejtës dhe siguria, pastaj liria e lëvizjes, besimit, shoqërimit dhe organizimit qytetar, shprehjes dhe informimit, si dhe respektimi i pronësisë, qasja te mjetet financiare, liritë tregtare dhe rregullimi i marrëdhënieve të punës dhe afariste.

Në listë janë radhitur gjithsej 162 vende nga e tërë bota janë vlerësuar nga zero deri në 10 pikë të indeksit.

Në majë të listës janë Zelanda e Re me 8,88 pikë të indeksit, para Zvicrës (8,82), Hong Kongu (8,81), Kanadaja (8,65), Australia (8,62), Danimarka dhe Luksemburgu (nga 8,56) Finlanda dhe Gjermania (nga 8,53) dhe Irlanda (8,52).

Në vetë thellësinë prej vendit 151 deri në vendin 162 janë Angola (5,40), RSH Kongo (5,36), Etiopia (5,25), Irani (5,10), Algjiri (4,99), Libia (4,64), Egjipti (4,50), Iraku (4,34), Sudani (4,32), Jemeni (4,30), Venezuela (3,80) dhe Siria (3,79).

Midis vendeve nga rajoni, më së miri është radhitur Sllovenia në vendin e 35-të me 7,97 pikë të indeksit, Kroacia në vendin 37. (7,86), Shqipëria në vendin e 38-të (7,84), Bullgaria në vendin e 39. (7,79), Mali i Zi në vendin e 53-të (7.43), Bosnja e Hercegovina në vendin e 55-të (7,37), Greqia në vendin e 57. (7,33) Serbia në vendin e 58 (7,30) dhe Turqia është në vendin e 122. (6,21).