Pendarovski: Të gjithë partitë janë përgjegjëse për ikjen e të rinjve nga Maqedonia

12

Presidenti i Maqedonisë së Veriut, Stevo Pendarovski u bënë thirrje të gjithë partive politike që para zgjedhjeve të parakohshme parlamentare në fushatën e tyre të mos keqpërdoret momenti me shpërnguljen e të rinjve nga vendi, sepse asnjëra nga ato parti politike nuk do të fitojë pikë politike.

“Të gjitha partitë deri në këto 30 vitet e fundit janë përgjegjëse për këtë. Edhe unë do të isha shpërngulur para 15 vjetëve nëse do të dija se në vitin 2020 nuk do të negocionim me BE-në dhe anëtarësimi do të bëhet edhe më i rëndë”, tha Pendarovski në panelin e sotëm me temë “Si të kthehemi në shtëpi?”.

Sipas presidentit, pjesërisht kjo është për shkak të partizimit të madh të shoqërisë në Maqedoni. Ata që kanë qenë aktiv politik, jo më mirë në njohuri, përfitojnë.

“Në një studim që kam marrë pjesë më 2004 kemi arritur në përfundimin se 336.000 qytetarë janë anëtarë të një partie. Është përqindja më e madhe për kokë banori në Evropë. Tani është edhe më shumë”, tha Pendarovski.