Protestat në SHBA – lind frika për valën e dytë të coronavirusit

17

Mijëra amerikanë dolën nga shtëpitë e tyre për të protestuar në të gjithë vendin, si pasojë e vdekjes së George Floyd, ndërsa kjo situatë mund të shkaktojë valën e dytë të coronavirusit.

Sipas mediave të huaja, përcjell Telegrafi, 46-vjeçari vdiq në Minneapolis pasi një oficer i policisë e arrestoi atë dhe i vendosi gjurin në qafë, sakaq Floyd nuk mund të merrte frymë.

MARKETING 420 x 60

Kështu si pasojë e protestave janë ngritur shqetësimet se tubimet masive mund të shkaktojnë një valë të dytë të coronavirusit, paralajmëron një ekspert.

Raportohet se shumë protestues kanë injoruar udhëzimet për distancimin shoqëror, përfshirë edhe shmangien e vendosjes së maskave.

Lidhur me këtë rast një ekspert ka paralajmëruar se mobilizimi i protestuesve mund të shkaktojë përhapjen e gjerë të virusit.

William Schaffer, profesor i sëmundjeve infektive në “Qendrën Mjekësore Universitare Vanderbilt”, ka thënë se ekzistojnë një mori arsyesh që dikush mund të infektohet në një protestë.

Përveç turmave, ai thotë se klithmat mund të rrisin rrezikun e përhapjes së coronavirusit.

“Bërtimat si dhe nxitimi i turmës, do t’i bëjë njerëzit të marrin frymë më thellë”, ka thënë Shaffer.

“Nuk ka dyshim, ne jemi të shqetësuar se kjo mund të kontribuojë në rritjen e infeksioneve”, u shpreh ndër tjerash ai.