Rashidi: Është herët të vlerësohet puna e Pendarovskit

12

Deputeti i Aleancës për Shqiptarët Syrija Rashidi, pas fjalimit të presidentit Stevo Pendarovski para deputetëve, tha se akoma është herët që të jepet vlerësim për punën e kryetarit të shtetit.

Ai tha se është për t’u përshëndetur qëndrimi i presidentit në lidhje me Ligjin e Gjuhëve, për të cilin tha se Komisioni i Venedikut e ka vlerësuar si kushtetues.

Rashidi gjithashtu potencoi pjesë të fjalimit të Pendarovskit, që kanë të bëjnë me gjyqësorin dhe shtetin e robëruar nga pushteti i kaluar.

“Por, vetë fakti se ka dhënë rekomandim për pushtetin e ardhshëm të merret me gjyqësorin, të pastrohet prej gjykatësve të tillë është vetëm pranim se Qeveria e deritanishme nuk arriti seriozisht të merret me reformat në gjyqësor, ndërsa kjo është për shkak faktit se edhe në vetë pushtetin apo Qeveri, ka një faktor të trashëguar nga pushteti i kaluar, e cila është pengesë e madhe për reforma në gjyqësor”, deklaroi Rashidi.